23 март көнне Иштерәк авыл мәдәният йортында Череккүл урта мәктәбе укытучылары коллективы Туфан Миңнуллиның “Әниләр һәм бәбиләр” исемле әсәрен сәхнәләштерде.  Ул кичне Иштерәк авыл мәдәният йортында бер генә дә буш урын юк иде.  Череккүллеләр шул чаклы ныклы әзерлек белән килгәннәр иде. Тамашачылар спектакльне бик ошатты. Анда тәрбияви, матур, бүгенге көннән алынган гыйбрәтле тормыш сурәтләнгән. Вакытның үткәне дә сизелмәде. Спектакль бик матур, эчтәлекле, кызганыч булды…Ә артистлары ничек итеп уйнадылар!  Зал аларга кушылып елады да, көлде дә. Район Советы секретаре Игорь Никифоров хатын-кызларга бик матур теләкләрен җиткерде.